Mund të duket e pabesueshme, por është e vërtetë! Serie A italiane dhe Bundesliga gjermane, mund të dërgojnë nga gjashtë skuadra në Ligën e Kampioneve, për sezonin e ardhshëm.

Por si ndodh kjo?! Nëse Atalanta arrin të fitojë Europa League dhe renditet në kampionat në vendin e pestë ose të gjashtë, atëherë 6 ekipe italiane do të marrin pjesë në Champions.

E njëjta gjë edhe nëse Borussia Dortmund fiton Championsin dhe renditet në vendin e pestë ose të gjashtë.

Në të dyja rastet, kampionati italian dhe ai gjerman do të përfaqësoheshin me nga një skuadër më pak në Europa League.