Luis Enrike ishte personi më i kritikuar në Paris pas humbjes 2-3 në ndeshjen e parë në Paris.

Por përtej kësaj, tekniku spanjoll, nuk e humbi shpresën dhe u shpreh i bindur para takimit në Barcelonë se ekipi i tij do të përmbyste gjithçka në favorin e vet. Dhe ashtu ka rezultuar në fund.

Luis Enrike dhe PSG kthehen në Francë me një fitore 1-4 dhe biletën në gjysmëfinale.

Vetë trajneri i PSG-së duke folur për takimin tha: “Ne filluam shkëlqyeshëm dhe e dinim se do të ishte një ndeshje me gola. Ne ishim të përgatitur për çdo skenar. Në një aksion spektakolar nga Lamine ata shënuan. E pashë ekipin të pjekur dhe të etur për ta kthyer rezultatin dhe ia dolëm”.

Luis Enrike ka komentuar dhe vendimin e gjyqtarit për kartonin e kuq të Arauhos që ndryshoi takimin.

“Unë zakonisht nuk gjykoj arbitrat. Mundohem të vendos veten në vendin e arbitrit. Mundohem të protestoj pak ose aspak dhe t’u them lojtarëve të mi të kontrollojnë emocionet e tyre. Kemi bërë një hap përpara në pjekuri. Ne jemi në gjysmëfinale dhe jemi do të luajmë me Dortmundin, i cili ishte ai që fitoi në grupin tonë, u takova me trajnerin dhe i thashë se do të shihemi në gjysmëfinale. Dortmundi luan shumë mirë, ata do të na krijojnë probleme”.