Trajneri i Atletico Madrid, Diego Simeone, tha në konferencën e dhënë për mediet në prag të ndeshjes së dytë çerekfinale të Champions League ndaj Borussia Dortmund, se i pret një sfidë e vështirë.

Ai theksoi se duke qenë se skuadra gjermane është në disavantazh, atëherë pret që ta nisë me shumë ritëm takimin e dytë.

“Pas fitores 2-1 të ndeshjes së parë, përballemi me një skuadër shumë të fortë, e cila do ta nisë takimin me ritëm shumë të lartë, por skuadra jonë besoj do të përgjigjet shumë mirë, pasi ka besim”, tha Simeone.