Në karrierën e tij, Roberto Baggio, një nga “10” më të fortë në historinë e futbollit botëror, fitoi gjithçka, ose pothuajse gjithçka, me fanellat e Fiorentinës, Juventusit, Milanit, Bolonjës, Interit dhe Breshias.

“Tuttosport” e takoi atë në Milano, ku u mbajt prezantimi i “Antera”, markës historike të rrotave të aliazhit, ambasadori i së cilës është Baggio.

Në mesin e temave të ndryshme të trajtuara, ishte edhe një e lidhur me lëvizjen e sotme futbollistike italiane: “Besoj se të rinjve italianë sot iu mungon futbolli i rrugës, ai në të cilën u rrita unë. Gjithçka që na duheshin asokohe ishin dy fanella dhe qëllimi realizohej.

Në ato realitete ju zhvilloni një sfond teknik, që e mbani me vete gjatë gjithë jetës. Sot kemi frikë se fëmijët tanë do të hasin vështirësi, por janë pikërisht vështirësitë dhe pengesat, ato që ju formësojnë. Fëmijët duhet të lihen vetëm, të jenë në gjendje të bëjnë udhëtimin e tyre”.

Aventura europiane e kombëtares italiane po afrohet gjithnjë e më shumë. Po çfarë mendon “bishtaleci hyjnor” për axurrët e drejtuar nga Luciano Spalletti?

Ja përgjigja e tij: “Unë besoj se është një projekt në ndërtim e sipër. Spalletti ka cilësitë për të zgjedhur lojtarët që do të përfaqësojnë Italinë në Kampionatin Evropian.

Ne duhet t’iu japim kohë këtyre djemve për të punuar në paqe. Ndonjë këshillë për ata që do të veshin fanellën e kombëtares këtë verë? Kur paraqitesh në një kompeticion kaq të rëndësishëm, duhet të nisesh nga ideja se do të japësh gjithçka. Puna që do të bëjnë që tani e tutje do të përcaktojë rrugën e tyre”.