Ish-presidenti i Federatës Spanjolle te Futbollit, Luis Rubiales, nuk po gjen paqe edhe pasi u largua nga drejtimi.

Luis Rubiales u detyrua të jepte dorëheqjen dhe më pas u dënua me  pezullim nga të gjitha funksionet e lidhura me futbollin për tre vjet pas një puthjeje  ndaj lojtares së kombëtares iberike Jenni Hermoso gjatë fitores së Spanjës në Kupa e Botës për Femra 2023. Së fundmi, sipas asaj që shkruajnë mediat, Prokuroria e Gjykatës Kombëtare në Spanjë ka kërkuar dënimin me 2 vjet e gjysmë burg për Rubiales.

Jo vetëm kaq pasi kërkohet dënim për ish-trajnerin Jorge Vilda, ish-drejtorin e marketingut Ruben Rivera dhe ish-drejtorin e ekipit të meshkujve Albert Luque me një vit e gjysmë burg. Kësaj i shtohet edhe kërkesa e prokurorit për ndalimin e punës së Luis Rubiales në fushën sportive gjatë kësaj periudhe dhe ai nuk duhet t’i afrohet Jenni Hermosos në një afërsi prej 200 metrave për katër vjet.