Liverpooli ka regjistruar fitoren e dytë radhazi në Premierligë, duke mbajtur hapin kështu me skuadrat që po luftojnë për kreun e tabelës.
Skuadra e drejtuar nga Jurgen Klopp triumfoi sot ndaj Nottingham Forest, në ndeshjen e vlefshme për javën e dhjetë.
Ndeshja e zhvilluar në “Anfield” përfundoi me rezultatin 3-0.
Diogo Jota (31′), Darwin Nunez (35′) dhe Mohamed Salah (77′) shënuan golat e fitores për “Të Kuqtë”.
Liverpooli pas kësaj fitore ka 23 pikë dhe momentalisht është i treti në tabelë.
Renditja mund të ndryshojë varësisht nga rezultati përfundimtar i derbit mes Manchester Unitedit dhe Manchester Cityt.
Nottingham Forest ndodhet në vendin e 16-të me dhjetë pikë të grumbulluara.
© SYRI.net
Bëje LIKE dhe merr lajmin e fundit nga Sporti: