Janë publikuar formacionet zyrtare të ndeshjes Ballkani-Astana, e vlefshme për fazën e grupeve në Ligën e Konferencës.

Ballkani do të kërkojë sonte fitoren e dytë në fazën e grupeve të Ligës së Konferencës.

Kampioni kosovar vjen nga fitorja e madhe dhe historike ndaj Dinamo Zagrebit, ndërsa të njëjtën gjë synon ta bëjë edhe sonte ndaj kundërshtarit nga Kazakistani.

Tekniku i kampionëve të Kosovës, Ilir Daja, nuk ka hequr dorë nga rreshtimi ofensiv as në këtë sfidë me treshen Gripshi-Berisha-Kryeziu që do të jenë plotësisht të orientuar drejt sulmit në kërkim të fitores së dytë radhazi.