Mesfushori i kombëtares zvicerane, Granit Xhaka, ka folur edhe njëherë për ish-skuadrën e tij, Arsenalin.
Xhaka u largua nga Arsenali verën e kaluar për të kaluar te Bayer Leverkusen në Gjermani.
Ai ka thënë se koha e tij tek Arsenali kishte prekur fundin dhe nuk mund të vazhdonte më tej, duke shtuar se në “Emirates” ishte një kaos i vërtetë.
“Koha ime tek Arsenali kishte mbaruar, kjo ishte e qartë kështu që vendosa të largohem, pasi mund të punosh në paqe këtu në Leverkusen. Këtu nuk ka kaos, klubet e tjera janë më shumë në fokus. Tek Arsenali presioni është i ndryshëm. Por ne kemi ambicie të larta, pasi kemi potencial të madh në skuadër”.
© SYRI.net
Bëje LIKE dhe merr lajmin e fundit nga Sporti: