Goli i Leadro Trossard i dhuroi Arsenalit fitoren minimale në një fushë të vështirë si ajo e Evertonit.
Skuadra e Mikel Artetës siguroi suksesin 0-1 në Liverpool, duke vijuar të jetë dy pikë larg Manchester Cityt kryesues.
Nënkampionët gjetën rrjetën në pjesën e parë me anë të Gabriel Martinellit, por goli i brazilianit u anulua nga VAR-i për pozicion të parregullt.
Sfida ishte tepër e luftuar, rastet e pastra munguan, por Arsenali ia doli të gjente golin e fitores në minutën e 69-të me Trossard, i cili goditi menjëherë pas asistit të marrë nga Bukayo Saka duke shtangur portierin Pickford dhe duke nisur festën e tifozëve të Arsenalit në “Goodison Park”.
Katër fitore, një barazim dhe 13 pikë për “Gunners” pas javës së pestë në Premier League, ndërkohë që Evertoni mbetet i treti nga fundi me vetëm një pikë.
© SYRI.net
Bëje LIKE dhe merr lajmin e fundit nga Sporti: