Mediat amerikane shkruajnë se në ndeshjen e bejsbollit në Chicago White Sox, dy spektatore janë plagosur me armë zjarri.

Sipas raportimeve, njëri ka mbetur i plagosur në këmbë dhe tjetri në stomak, ndërsa policia ende nuk mund të vërtetojë nëse gjuajtësi ka qenë brenda stadiumit apo plumbat kanë ardhur nga jashtë.

Agjencia gjermane e lajmeve DPA raporton se hetimet janë në vazhdim dhe se po kryhen në mënyrë aktive të gjitha veprimet hetimore për të vërtetuar se çfarë ka ndodhur saktësisht.

“Mendimet e klubit tonë White Sox janë me të plagosurit në këtë moment dhe ne i dëshirojmë shërim të shpejtë”, thuhet në një deklaratë të klubit.

https://t.co/V06IBRPoUQ pic.twitter.com/gwMOzmzTjE

— Chicago White Sox (@whitesox) August 26, 2023

Rreth 22,000 tifozë në Garanteed Rate Field e ndoqën këtë ndeshje dhe ishte menduar të kishte një koncert në stadium pas ndeshjes. Megjithatë, organizatorët e anuluan për shkak të problemeve teknike.

Sa i përket ndeshjes, Chicago humbi 4-12 nga Oakland.