Kanadaja, kampionia olimpike në fuqi, është eliminuar nga Kupa e Botës për femra, pa arritur që të kalojë fazën e grupeve. Australia ka mposhtur bindshëm kanadezet 4-0 në ndeshjen e fundit dhe ka siguruar vendin e parë në grupin B (në kuotën e 6 pikëve).

Në ndeshjen tjetër të këtij grupi Nigeria ka barazuar pa gola 0-0 përballë Irlandës, por një pikë i mjafton që të ngjitet në vendin e dytë dhe të kualifikohet mes 16 më të mirave të turneut.

Japonia ka mposhtur 4-0 Spanjën në ndeshjen e fundit dhe ka marrë kryesimin e grupit me pikë të plota pas 3 ndeshjeve. Kualifikohen edhe spanjollet që kishin fituar 2 ndeshjet e para në grup. Zambia ka fituar 3-1 përballë Kosta Rikës në ndeshjen tjetër të këtij grupi. 

🇯🇵 @JFA_Nadeshiko on 🔝!
🇪🇸 @SEFutbolFem also through! 💪 #BeyondGreatness | #FIFAWWC

— FIFA Women's World Cup (@FIFAWWC) July 31, 2023