100 milionë paund dhe 5 të tjera në formë bonusesh. Kjo është oferta që Arsenali ka vendosur në tavolinën e West Ham për të blerë yllin e skuadrës Declan Rice.

“Topçinjtë” e kërkojnë me ngulm mesfushorin 24-vjeçar dhe do të bëjnë çmos për ta vendosur nën urdhrat e Mikel Artetës. Ka qenë ky i fundit që i ka shtuar presion drejtuesve për mos humbur garën me Manchester Cityn.

Sa i përket “Qytetarëve”, këta të fundit kanë preferuar të tërhiqen nga gara dhe nuk do të barazojnë ofertën e Arsenalit. Tashmë ka mbetur vetëm koha për negociatat mes  Arsenalit dhe West Hamit për të finalizuar këtë marrëveshje.