Juventusi e mbylli sezonin e kaluar në  vendin e shtatë me 62 pikë, që siguroi pjesëmarrjen në kualifikimet për në Ligën e Konferencës, por pyetja e vërtetë është nëse Zonja e Vjetër do të luajë në atë kompeticion.

Mediat italiane raportojnë se drejtuesit e gjigantëve nga Torino kanë vendosur që sezonin e ardhshëm të mos luajnë në Ligën e Konferencave, në mënyrë që të përqendrohen më mirë në kampionatin vendas.

Thuhet se do të ishin të lumtur t'ia lëshonin atë vend skuadrës që është poshtë tyre në tabelë, përkatësisht Fiorentinës.

Është një lloj marrëveshjeje mes UEFA-s dhe Juventusit që do të përfitonin të dyja palët.

Në këtë mënyrë, shtëpia e futbollit europian kërkon t'ia kthejë Juves daljen nga historia e Superligës, ndërsa nga ana tjetër gjigantit torinez thjesht nuk i intereson ky kompeticion.

Sezoni pas nesh ishte më se i turbullt për klubin italian më trofetar.

Në një moment të sezonit, Juventusit iu zbritën deri në 15 pikë, pas së cilës dënimi u anulua, për t'u ndryshuar në dhjetë pikë minus.