Vllaznia ka tashmë një trajner të ri për moshat nën 21 vjeccare. Vioresin Sinani do të jetë trajneri i ri i Vllaznisë U-21, kështu e bën të ditur vetë klubi përmes një postimi në rrjetet sociale.

“KF Vllaznia bën të ditur se nga sot ka emëruar z. Vioresin Sinani në rolin e trajnerit të ekipit U21 të Akademisë tonë. Ai do të nisë menjëherë punën për seleksionimin e elementit cilësor dhe harmonizimin e tij me ekipin e parë.

Klubi i uron suksese Sinanit në detyrën e tij të re, të cilën besojmë se do ta bëjë me shumë devotshmëri ashtu si çdo detyrë tjetër që i është ngarkuar më parë!” – shkruhet në faqen zyrtare të Vllaznisë.