Lamtumira e drejtorit sportiv, Cristiano Giuntoli nga Napoli është thuajse i sigurt. Ky i fundit nuk ishte i pranishëm as në prezantimin e trajnerit të ri të kampionëve të Italisë, Rudi Garcia.
Kalimi i Giuntoli te Juventusi në rolin e drejtorit sportiv për sezonin e ardhshëm është gjithmonë e më afër. Kontrata e tij që është në vitin e fundit me Napolin, nuk do të rinovohet.
Sipas “Calciomercato”, drejtori sportiv i Napolit po përpiqet tashmë të heqë dorë nga rroga e vitit të kaluar, përfshirë bonuset, për t’u çliruar paraprakisht nga klubi blu.
Kontaktet e para të Cristiano Giuntoli me Juventusin datojnë në dhjetor të vitit 2022 dhe tashmë drejtori sportiv është gati të nisë një projekt me “zonjën e vjetër”
© SYRI.net
Bëje LIKE dhe merr lajmin e fundit nga Sporti: