Një kapitull mbyllet, një tjetër hapet. Lionel Messi largohet nga PSG për të fluturuar drejt Amerikës, me synimin për ta mbyllur karrierën me fanellën e Inter Miami.
Por… kur do ta bëjë debutimin e tij me ekipin e tij të ri? Argjentinasi duhet të debutojë të premten më 21 korrik, me rastin e ndeshjes së Kupës së Ligës kundër Cruz Azul.
Këtë e konfirmoi presidenti i klubit Jorge Mas duke folur për The Guardian:
“Ne po përpiqemi të rrisim kapacitetin e stadiumit, duke shkuar nga 3000 në 3200 vende. Kërkesa për bileta është dhjetë herë më e lartë se normalja… është e pabesueshme”.
Presidenti parashikoi fluksin e njerëzve që mund të rezultojë nga prania e Lionel Messit. Një ide të asaj që mund të ndodhte e ka pasur disa muaj më parë, kur pleshti qëndroi në Amerikë me pjesën tjetër të kombëtares së Argjentinës përpara se të fluturonte për në Katar:
“Ne patëm mundësinë të shihnim interesimin e madh të tifozëve për Messin dhe ishte vetëm stërvitje… Po përgatiteshim dhe tani mund të them se jemi gati”.
© SYRI.net
Bëje LIKE dhe merr lajmin e fundit nga Sporti: