Pas Nora Gjakovës, e cila fitoi gjatë të premtes medaljen e argjendit, tani Kosovës iu shtua edhe një medalje tjetër në Grand Slamin që po mbahet në Kazakistan.

Është xhudistja Laura Fazliu, e cila ka fituar medaljen e bronztë në kategorinë deri në 63 kilogramë.

Xhudistja 22 vjeçare arriti të fitojë në repesazh ndaj xhudistes Dali Liluashvili, të cilën e mposhti me ‘ippon’.

Kujtojmë që Laura e nisi garën nga raundi i dytë, duke mposhtur Esmigul Kuyulova nga Kazakistani, por u mposht në raundin e tretë nga Jisu Kim nga Koreja e Veriut.

Në repesazh, xhudistja jonë mposhti Kamila Badurova, para se të fitonte ndaj Liluashvili në ndeshjen për medaljen e bronztë.