Sulmuesi portugez, Cristiano Ronaldo beson se liga saudite së shpejti do të jetë ndër pesë më të mirat në botë.

Ronaldo i solli fitoren Al Nassr në xhiron e 28-të të kampionatit të Arabisë Saudite ndaj Al Shabab me një gol të bukur.

Edhe pse mysafirët ishin në epërsi deri në minutën e 40-të, ndeshja ndryshoi dhe Al Nassr fitoi me rezultat 3-2.

Ronaldo ishte i lumtur pas ndeshjes sepse ekipi i tij zhvilloi një ndeshje fantastike.

"Kur humbet 2-0, nuk është e lehtë. Megjithatë, ne besuam deri në fund. Shënuam tre gola, përgëzoj të gjithë ekipin dhe tifozët që ishin të mrekullueshëm. Për mendimin tim, liga saudite po përmirësohet. Do të të jetë edhe më i mirë sezonin e ardhshëm. Hap pas hapi, kjo ligë do të jetë në mesin e pesë kampionateve më të mira në botë. Megjithatë, ajo ka nevojë për kohë, lojtarë dhe infrastrukturë. Ky vend ka njerëz të mëdhenj dhe potencial të madh. Liga do të jetë e mrekullueshme," ka thënë Ronaldo.

Për kujtesë, Al Nassr është i dyti në tabelën e renditjes së kampionatit me dy xhiro nga fundi dhe me tre pikë më pak se lideri Al Ittihad.