Një nga futbollistët më të mirë të Real Madridit, Vinicius Junior, ka postuar në Instagram një përmbledhje të fyerjeve raciste që ka marrë nga tribuna muajt e fundit.

Shpërthimi i fundit me kore raciste nga tifozët ndodhi në ndeshjen e Realit në Valencia, pas së cilës Vinicius reagoi duke kërcënuar madje se do të largohej nga Spanja, të cilën e quajti "vendi i racistëve".

Braziliani mori mbështetjen e Realit dhe vendit të tij, të cilët nisën procedurat ligjore për mbrojtjen e futbollistit.

Vinicius publikoi një përmbledhje të fyerjeve të shëmtuara që ka marrë nga 19 shtatori i vitit të kaluar deri në ndeshjen me Valencia-n, dhe "rolin" kryesor e kanë tifozët e Atletico-s, Barcelonës, ​​Valladolid, Mallorca-s dhe Valencias të cilët e quajnë majmun dhe imitonin tingujt e majmunit se dhe e quanin atë " zezak budalla", "një njeri i zi" ...

“Çdo ndeshje jashtë fushe sjell një surprizë të bukur dhe të tilla ishin të shumta këtë sezon. Kërcënimet me vdekje, varja e një kukulle, britmat... Gjithçka regjistrohet. Në fund, bëhet fjalë për një ‘rast të izoluar’. 'një fans'. Jo, këto nuk janë raste të izoluara, por episode të vazhdueshme që përfshijnë disa qytete spanjolle dhe një shfaqje televizive. Prova është në këtë video. Tani pyes: Sa prej këtyre racistëve u thirrën me emër, mbiemër dhe foto në Internet? Do të përgjigjem për t'ju bërë më të lehtë: Asnjë Çfarë duhet bërë për t'i ndjekur penalisht këta njerëz? Apo për të ndëshkuar klubet?", shkroi Vinicius dhe shtoi:

"Pse sponsorët nuk e ngarkojnë La Ligën për këtë? A nuk e shqetëson televizioni të shfaqë këtë barbari çdo fundjavë? Problemi është shumë serioz dhe asgjë nuk mund të arrihet duke folur më...", ka shkruar ndër të tjera Vinicius.

 

 

 

 

View this post on Instagram

 

 

 

 

 

 

 

 

 

 

 

A post shared by Vinicius Jr. ⚡️🇧🇷 (@vinijr)