Pesë gola për 3 pikë, Milani ka shfryrë ndaj Sampdorias së vendit të fundit, duke lënë pas momentin e vështirë të eliminimit në gjysmëfinalen e Ligës së Kampioneve.
Kuqezinjtë e Piolit, nuk e kanë diskutuar triumfin në mbrëmjen e sotme, duke e dominuar totalisht ndeshjen.
Ky ishte suksesi i 18-të, në 36 javë për milanistët, që kërkojnë me çdo kusht zonën Champions.
Ishte Leao ai që hapi sfidën në minutën e 9-të, teksa njeriu i ndeshjes ishte padyshim Giroud, që realizoi tripletën e parë me fanellën kuqezi, në minutat 23, 29 dhe 68-të, ndërkohë që golin tjetër për Milanin e shënoi Diaz.
Për sa i përket dorianëve të Sampdorias, goli i nderit u realizua nga kapiteni Quagliarella.
Vlen të theksohet se në përballjen e radhës, Milani do të përballet me Juventusin në transfertë.
© SYRI.net
Bëje LIKE dhe merr lajmin e fundit nga Sporti: