Sot, Darmstadti Klaus Gjasula mundi Magdeburgun me rezultat 1-0 para tifozëve të tij, duke siguruar kështu rikthimin në Bundesligë pas gjashtë vitesh para përfundimit të kompeticionit të ligës së dytë.
Phillip Tietz shënoi një gol në minutën e 36-të të ndeshjes për t'i dhënë fitoren ekipit vendas Darmstadt.
Një ndeshje para përfundimit të sezonit, Darmstadt arriti në 67 pikë, pra gjashtë më shumë se Heidenheim i vendit të dytë dhe shtatë më shumë se Hamburg, që mban vendin e tretë.
Edhe pse të dyja skuadrat kanë një ndeshje më pak, Darmstadt siguroi të paktën vendin e dytë, që sjell edhe kalimin direkt në Bundesligë.
Kujtojmë se skuadra e tretë do të luajë për një vend në Bundesligë me klubin që në fund të sezonit do të jetë i 16-ti në renditjen elitare të futbollit të klubeve gjermane.
Hertha me shumë gjasa do të jetë në divizionin e dytë në sezonin e ardhshëm sepse ka 25 pikë në dy xhirot para fundit.
Shtutgarti i dyti nga fundi ka 29 pikë, Schalke është në vendin e 16-të me 30, ndërsa Bochum (31) dhe Hoffenheim (32) po luftojnë për mbijetesë.
© SYRI.net
Bëje LIKE dhe merr lajmin e fundit nga Sporti: