Ismael Bennacer, heroi i fitores së Milanit ndaj Napolit në ndeshjen e parë çerekfinale të Ligës së Kampionëve, tërhoqi vëmendjen e mediave në Itali për shkak të agjërimit të Ramazanit.

Kështu, gazeta më e respektuar italiane “Gazzetta dello Sport” publikoi këtë mëngjes një artikull se si Bennacer e shkatërroi Napolin me një ndeshje fantastike dhe se të gjitha këto i bëri gjatë muajit të Ramazanit, gjatë të cilit ai agjëron dhe nuk mendon të heqë dorë nga feja dhe detyrat.

Gazzetta italiane ka publikuar një tekst me titull: “Bennacer dhe një gol ëndërrash në mes të Ramazanit”.

Në tekst, gazeta më e respektuar italiane thekson se futbollisti algjerian ka agjëruar gjatë gjithë ditës së djeshme, ka hequr dorë nga ushqimet dhe pijet dhe më pas menjëherë para fillimit të ndeshjes (rreth orës 20:10) ka ngrënë shumë pak dhe ka mposhtur Napolin në ndeshjen më e rëndësishme të vitit për Milanin.

Sipas Gazzetta-s, agjërimi i Ramazanit nuk e pengoi atë të realizonte një gol spektakolar që do të vuloste ndeshjen.

Gjatë sfidës, Bennacer "shkatërroi" sulmet e skuadrës kundërshtare, ishte lidhja midis mbrojtjes dhe sulmit dhe pikërisht gjatë një kundërsulmi vendosi ndeshjen me gol, megjithëse rolet e tij sulmuese nuk janë detyrat e tij kryesore në fushë.

“Goli që i dha Milanit avantazhin përpara ndeshjes së dytë në Napoli është gjithashtu i veçantë sepse Bennacer është plotësisht i angazhuar në detyrat e Ramazanit. Për dikë si algjeriani, i cili është shumë i kujdesshëm për të performuar në të njëjtën kohë detyrat fetare dhe të jesh profesionist në fushë, kjo nuk është e lehtë,” Gazzetta mrekullohet me vendimin e madh të Bennacer dhe shton:

"Respektimi i ndërgjegjshëm i rregullave të Ramazanit nënkupton agjërimin nga ushqimi dhe pijet nga lindja e diellit deri në perëndim të diellit. Kështu prishet bioritmi i zakonshëm. Për një futbollist kjo do të thotë përshtatje e trupit në një regjim të pazakontë dhe të mundimshëm, pasi stërvitja padyshim zhvillohet gjatë dhe Ismaeli nuk është i pari dhe nuk do të jetë i fundit që do t'ia përshtatë veprën e tij diktateve fetare, por delikatesa e situatës mbetet", thuhet në shkrim.

Fjala vjen, besimi është një nga gjërat më të rëndësishme në jetë për futbollistin algjerian dhe së fundmi ai ka ftuar disa kolegë të tij nga dhoma e zhveshjes së Milanit në shtëpinë e tij për iftar.