Lazio ka arritur një fitore të madhe në kuadër të luftës për zonën Champions. Ekipi i drejtuar nga Maurizio Sarri ka mposhtur 2-1 Juventusin, duke konsoliduar vendin e dytë në renditjen e Serisë A.

Milinkovic-Savic kaloi në avantazh vendasit në minutën e 38, por vetëm 4 minuta më pas, Rabiot barazoi për bardhezinjtë.

Golin e fitores e shënoi Mattia Zaccagni, në pjesën e dytë (53’), pas një asisti me takë nga Luis Alberto.

Me këtë fitore, Lazio mban vendin e dytë me 58 pikë, 5 më shumë se Roma e vendit të tretë dhe 6 më shumë se Milani i vendit të katërt.