Charles Leclerc është një nga yjet më të mëdhenj në Formula 1 dhe piloti i skuderisë italiane të Ferrarit nuk shpëtoi nga grabitja, por as ai nuk qëndroi duarkryq ndaj tyre.
Videoja është e vitit të kaluar, por u zbulua vetëm së fundmi dhe ai shihet duke ndjekur disa hajdutë që i morën një orë luksoze me vlerë më shumë se 2 milionë dollarë.
Dy burra të veshur me kaska motorrike iu afruan Leclerc dhe i kërkuan të bënin një foto me të. Aty iu vodh një orë shumë e shtrenjtë Richard Mille, një model i krijuar posaçërisht për të i quajtur “ RM67 Leclerc ”.
charles leclerc remembered to use his turn signals while chasing thieves yet people on f1twt say he cracks under pressure 😤 pic.twitter.com/sn1Gk2SLLe
— 🅱️ (@evilscuderia) April 4, 2023
Së fundmi, policia italiane ka arrestuar katër persona si autorë të vjedhjes së orës së pilotit të Ferrarit. Agjencia Reuters gjithashtu zbuloi se hetimet nuk kanë përfunduar ende, pasi nuk janë të sigurt nëse e kanë gjetur orën, e cila vlerësohet me një çmim mjaft të madh. Hajdutët kanë disa orë në posedim dhe tani duhet të zbulojnë nëse ndonjëra prej tyre i përket Leclerc.
© SYRI.net
Bëje LIKE dhe merr lajmin e fundit nga Sporti: