Trajneri i Chelseat, Graham Potter, u shkarkua mbrëmë dhe lojtarët e Chelseat u tronditën nga fakti se nuk kishin dijeni për vendimin e klubit.

Lojtarët e habitur të Chelsea-t mësuan për shkarkimin e Potter-it vetëm kur lexuan njoftimin zyrtar në faqen e internetit të klubit të dielën në mbrëmje.

Rezultati zhgënjyes i Potter-it, i cili e pa skuadrën të përfundonte në vendin e 11-të në tabelën e Premier League, pavarësisht shpenzimeve rekord gjatë dimrit, i kushtoi atij shkarkimin. Është zyrtarizuar mbrëmë dhe e fundit në seri ka qenë humbja ndaj Aston Villas (0-2).

Sipas mediave angleze, lojtarët e Chelseat janë habitur që kanë marrë vesh ndryshimin e trajnerit vetëm kur është bërë e ditur në faqen zyrtare të klubit. Ndodhi rreth orës 20:00 të së dielës, gjë që nuk është diçka për të cilën lojtarët janë të lumtur.

It cost Chelsea £21m to buy out Graham Potter’s contract from Brighton and £60m to sack him. An appointment that will go down in football history. pic.twitter.com/ALXWVS5NZm

— Gunners (@Gunnersc0m) April 2, 2023

Thuhet se lojtarët e shqetësuar të Chelseat kontaktuan menjëherë përfaqësuesit e klubit të dielën në mbrëmje për të sqaruar situatën. Besohet se shumica e ekipit nuk dinin asgjë për atë që po ndodhte në klub.

Pothuajse të gjithë futbollistët po rikuperoheshin dhe po trajtoheshin të dielën dhe mbetën të tronditur pasi mësuan për atë që kishte ndodhur në shtëpinë e tyre.

Kujtojmë se Potter do të zëvendësohet në pankinë nga ndihmësi i tij nga Brighton dhe Chelsea, Bruno Saltor (47). Gjatë kësaj kohe, Julian Nagelsmann konsiderohet si favorit i parë për stolin e Chelseat.