Cristiano Ronaldo ishte sërish në qendër të vëmendjes gjatë çerekfinaleve të Kupës së Arabisë Saudite ndërmjet Al Nassr dhe Al Abha (3-1). Portugezi nuk shënoi sërish gol, por shfaqi një sjellje të papërshtatshme në fushë, madje u zëvendësua në fund të ndeshjes.

Një situatë interesante u pa në pjesën e parë kur Ronaldo mori karton të verdhë për shkak se e goditi topin me inat pasi gjyqtari i vërshëlleu për fundin e pjesës së parë të lojës.

Shumë po pyesin se çfarë po ndodh me Ronaldon, i cili kohët e fundit po shfaq gjithnjë e më shumë shpërthime zhgënjimi dhe dalëngadalë po humbet kontrollin dhe mesa duket nuk është më as një hije e lojtarit dikur më të mirë në botë.

Ronaldo received a yellow card for kicking the ball away in frustration after the referee whistled the end of the first half. pic.twitter.com/xR92h1FmEm

— ESPN FC (@ESPNFC) March 14, 2023

Dëshmi për këtë është zëvendësimi në minutën e 87-të kur Rudi Garcia vendosi ta nxjerrë jashtë loje, e cila u shoqërua me pakënaqësinë e qartë që shfaqi.

Ronaldo ka nënshkruar kontratë me gjigantin e futbollit saudit deri në verën e vitit 2025 dhe do të fitojë një shumë të madhe parash në Riad.

Paga bazë e Ronaldos te Al-Nassr do të jetë rreth 70 milionë euro, por bashkë me bonuset dhe kontratat e sponsorizimit, portugezi do të fitojë 200 milionë euro në vit, ose 500 milionë për të gjithë kontratën.