Porto dhe Interi përballen sot në ndeshjen e kthimit në fazën me eliminim direkt në Ligën e Kampioneve duke kërkuar një biletë në çerekfinalet e turneut. Një sfidë plotësisht e hapur për faktin e  thjeshtë se italianët udhëtojnë drejt Portugalisë me avantazhin e vetëm një goli pas suksesit 1-0 në shtëpi.

Në këtë sfidë të dytë, trajneri Inzagi ka vendosur që të kthejë në stol Lukakun, i cili nuk ka bindur deri tani sa herë ka qenë titullar, për t’i bërë vend Dzekos  nga minuar e parë përkrah Lautaro Martinez. Kjo, edhe pse belgu ishte ai i cili shënoi golin e vetëm të ndeshjes së parë.