Trajneri i Manchester Cityt, Pep Guardiola ka folur për herë të parë për skandalin e shkaktuar nga futbollisti i tij Kyle Walker.
Pak ditë më parë Walker u filmua teksa zhvishej para një femre nën ndikimin e alkoolit dhe duke i prekur gjoksin. Regjistrimi zgjati 90 minuta dhe në fund përfaqësuesi i Anglisë u largua me vajzën në drejtim të panjohur.
Sjellja e tyre e tmerrshme ka tronditur vizitorët e lokalit, por edhe fansat që kanë parë videon.
Ditën e sotme, trajneri i tij ka thyer heshtjen për këtë çështje, duke thënë se klubi po merret me situatën.
"Kjo është një çështje private. Ne e trajtojmë atë nga brenda. Ky nuk është vendi për të diskutuar një situatë private," tha Guardiola.
Megjithatë, ai tha se ky duhet të jetë një mësim për futbollistët e rinj.
"Lojtarët e rinj e dinë këtë, por le ta themi përsëri. Kur hap derën nga shtëpia, duhet të dish se do të filmohesh. Është pjesë e shoqërisë", tha spanjolli.
Policia mund të marrë në pyetje yllin e Cityt për sjellje të pahijshme, e cila mbart një dënim maksimal prej dy vjet burg.
© SYRI.net
Bëje LIKE dhe merr lajmin e fundit nga Sporti: