Futbollisti i Kombëtares së Belgjikës, Eden Hazard, nuk është duke e menduar largimin nga Real Madridi, përkundër mintuazhit të vogël që ka nën urdhërat e Carlo Ancelottit.

Sipas gazetës angleze “The Athletic”, ylli belg pritet të qëndrojë në “Santiago Bernabeu” deri në fund të kontratës së tij, që skadon në qershor të vitit 2024.

Duket se Hazardit i intereson vetëm paraja, pasi deri në kohën e skadimit të kontratës, ai fut në xhep më shumë se 25 milionë euro.

Kjo për shkak se ai ka pagë javore deri në 450 mijë euro.

Kujtojmë që për ish-lojtarin e Chelseat ka shumë skuadra të interesuara.

Ai mund të rikthehet edhe në Premier League me Newcastle United që ka shprehur interesim për lojtarin nga Belgjika.