Bronny James, djali i pikëshënuesit më të mirë në historinë e NBA-së, LeBron James, është ftuar në kombëtaren e të rinjve të Shteteve të Bashkuara të Amerikës.
LeBron James Jr. ose më shkurt - Bronny, i cili mbushi 18 vjeç në tetor, do të luajë për ekipin e SHBA-së në Nike Hoop Summit, një event elitar basketbolli ku do të marrin pjesë lojtarët e rinj më të mirë nga e gjithë bota.
Federata e Basketbollit në SHBA publikoi listën e 13 basketbollistëve që do ta përfaqësojnë kombëtaren në ndeshjen kundër lojtarëve më të mirë U19 nga pjesa tjetër e botës, në të është edhe Bronny.
The 🇺🇸 Men's roster for the 2023 @nikehoopsummit!
— USABJNT (@usabjnt) February 14, 2023
»» https://t.co/sc5KjzpXlF pic.twitter.com/zy3Cgctjr6
Është interesante se Bronny nuk është ndër basketbollistët më të mirë amerikanë në grupmoshën U19. Sipas renditjes së ESPN, ai aktualisht është vetëm lojtari i 28-të më i mirë i gjimnazit në SHBA dhe emri i LeBron padyshim që e ka “shtyrë” në kombëtare.
LeBron shpreson që pas një viti në kolegj, djali i tij do të luajë në NBA së bashku me të dhe do të shohim nëse Bronny ka vërtet talent për të luajtur në ligën më të fortë në botë.
© SYRI.net
Bëje LIKE dhe merr lajmin e fundit nga Sporti: