Brazili vijon të mbetet pa trajner, por jo për shumë kohë. Shtypi brazilian shkruan se drejtuesit e Federatës po bisedojnë prej ditësh me Luis Enriquen, për të cilin interesohet edhe Atletico Madrid.

Pesë herë kampionët e botës, duan t’i besojnë stolin një emri të madh.

Në listën e dëshirave janë edhe Pep Guardiola e Carlo Ancelotti.

Ndërkohë që i pari ka mohuar mundësinë e nisjes së kësaj aventure, trajneri italian i Real Madrid është i hapur për bisedime.

Gjithsesi, në Brazil duan të arrijnë akordin me trajnerin e ri brenda muajit shkurt dhe për momentin në “pole” është Luis Enrique.