Juventusi mund të nisë merkaton e dimrit aty ku la atë të shkuarën. Bardhezinjtë hedhin sytë nga trekuartisti spanjoll Isco, pasi ky i fundit ndërpreu kontratën e tij me Sevillan dhe tani është një lojtar i lirë.
Siç raporton dhe “Sportmediaset”, pas largimit nga klubi andaluzian, ish-mesfushori i Real Madrid po mendon të vazhdojë karrierën e tij në Torino. Mirëpo për t’i bërë vend në ekip Iscos, Juventusi duhet të largojë me patjetër një nga mesfushorët e skuadrës.
Një nga më të përfolurit që mund të largohet nga “Zonja e Vjetër” në merkarton e dimrit, është Weston Mckennie. Mesfushori amerikan vlerësohet 15-20 milionë euro nga Juventusi, dhe së fundmi për të ka pasur interesim Borussia Dortmund.
© SYRI.net
Bëje LIKE dhe merr lajmin e fundit nga Sporti: