“Unë jam këtu në Katar dhe po deklaroj se jam homoseksual”. 

Bryan Swanson, shefi i zyrës së shtypit të FIFA -s ,në fund të konferencës për shtyp të mbajtur nga presidenti Gianni Infantino, në prag të fillimit të Botërorit të organizuar nga Katari, deklaroi se ai është homoseksual.

 Swanson mori fjalën për të mbrojtur Infantinon , i cili sipas tij është viktimë e "kritikës" që vjen "veçanërisht nga komuniteti LGBTQ+". 

''Do të doja të them diçka duke përfituar nga kjo mundësi - tha Swanson, 42 vjeç, me origjinë nga Edinburgu, një ish-raporter i Sky Sports, shef i marrëdhënieve me median që nga viti 2021 - Unë jam këtu në Katar në një pozicion të privilegjuar, përballë gjithë botës, si një burrë homoseksual", tha ai.

Ai shtoi se ai beson garancitë e Dohas se të gjithë vizitorët , pavarësisht nga orientimi seksual, do të jenë "të mirëpritur".

 “Kam menduar shumë nëse do ta ndaj apo jo” orientimin tim seksual, vazhdoi Swanson. 

"Në FIFA ne kujdesemi për të gjithë. Ne jemi një organizatë gjithëpërfshirëse. Unë kam disa kolegë homoseksualë. Jam plotësisht i vetëdijshëm për debatin dhe respektoj plotësisht të drejtën e të tjerëve për të menduar ndryshe. E kuptoj. Por gjithashtu e di se çfarë po luftojmë për”, përfundoi ai.