Ralph Hasenhuttl është shkarkuar nga posti i trajnerit të Southamptonit, aty ku qëndronte prej dhjetorit të vitit 2018. Tekniku austriak regjistroi ndeshjen numër 173 në pankinën e “Shenjtorëve” në humbjen 1-4 ndaj Newcastle.

Siç raportoi The Athletic, drejtuesit e klubit anglez janë jashtëzakonisht të pakënaqur me rendimentin e skuadrës në Premier League dhe vendosën të shkarkojnë 55-vjeçarin nga Grazi.

#SaintsFC can confirm it has parted company with Men’s First Team Manager Ralph Hasenhüttl.

— Southampton FC (@SouthamptonFC) November 7, 2022

Southampton, fanellën e të cilit e veshi Armando Broja sezonin e kaluar, renditet në vendin e tretë nga fundit në ishull me vetëm 12 pikë të grumbulluara në 14 sfida të luajtura.