Sonte rikthehet Champions League me ndeshjet e javës së 5-të dhe një nga ndeshjet më interesante do të luhet në stadiumin Maksimir të Zagrebit, ku Dinamo do të takohet me Milanin në Grupin E.

Dinamo hyn në ndeshje si skuadra e tretë në renditje, ndërsa Milani aktualisht është në vendin e fundit me po aq pikë sa klubi i Zagrebit. Trajneri i Milanit, Stefano Pioli, nuk mund të llogarisë në portierin e parë, Mike Maignan kundër Dinamos, i cili dëmtoi kaviljen në ndeshjen e Francës kundër Austrisë në shtator dhe ka gjasa të humbasë Kupën e Botës. Në vend të tij aktivizohet rumuni Ciprian Tatarusana.

Jashtë skuadrës janë edhe Zlatan Ibrahimovic, Davide Calabria dhe Alexis Saelemaekers, ndërsa Fikayo Tomori u largua për shkak të kartonit të kuq të fituar në ndeshjen e fundit evropiane ndaj Chelseat në San Siro. Në anën tjetër, Anti Cacic-it i mungon vetëm Boshko Shutalo.

Në ndeshjen e dytë të këtij grupi, Salzburgu do të presë Chelsean.

Një tjetër gjigant italian, Juventusi, do të ndjekë sonte trenin e fundit. Zonja e Vjetër aktualisht ndodhet në vendin e tretë në grupin H, me vetëm tre pikë dhe janë pesë pikë prapa liderëve PSG dhe Benfica.

Klubi nga Torino do të kërkojë fitoren ndaj Benfikës sonte dhe kështu ta lërë të hapur situatën në raundin e fundit. Në rastin e rezultatit të dytë, është e qartë se ata do të largohen nga rangu elitar i kompeticionit europian. PSG dhe Maccabi takohen në ndeshjen e dytë të këtij grupi.

Sfidë e bukur do të jetë edhe ajo mes Dortmund dhe Manchester City-t, por edhe Leipzg-Real Madrid.