Real Madridi është në kërkim të galaktikëve të rinj. Pas gjeneratës së parë të udhëhequr nga Ronaldo, Zidane, Luis Figo dhe David Beckham, klubi spanjoll më pas vuri bast për treshen Cristiano Ronaldo, Kaka dhe Karim Benzema. Gareth Bale mbërriti më pas. Mirëpo, Florentino Perez tani ëndërron të lançojë një gjeneratë të re të Galaktikëve. Për ta drejtuar, presidenti madrilen ka menduar prej kohësh për Kylian Mbappe. Por sulmuesi francez preferoi të rinovonte me Paris Saint-Germain verën e kaluar. Nëse dera nuk mbyllet për KM7, ajo nuk do të ishte më prioriteti për momentin.

Haaland e bën Florentino Perezin të ëndërrojë

Në të vërtetë, drejtuesit spanjollë kanë hartuar një listë me tre prioritete. Në krye, gjejmë Erling Haaland (22 vjeç). Nuk është vërtet një surprizë. I transferuar te Manchester City këtë verë, i bindur nga Pep Guardiola, Haaland po shkëlqen në Angli (20 gola në të gjitha garat këtë sezon). Pavarësisht gjithçkaje, babai i tij e kishte lënë të hapur derën për klube të tjera në të ardhmen. Një mesazh që u dëgjua në Madrid. “Sky Germany” shpjegon se “Merengues” duan të nënshkruajnë me Haaland.

Informacioni i konfirmuar nga "Defensa Central". Megjithatë, kampionët e Evropës 2022 nuk do të kenë një avantazh ndaj konkurrentëve të tyre siç ishte paralajmëruar.

Dy lojtarë të tjerë janë gjithashtu në sirtaret e spanjollëve, të cilët do mbështeten gjithashtu te Vinicius apo  Rodrygo për të udhëhequr ekipin në të ardhmen. Gjejmë Jude Belligham (19 vjeç). Me kontratë deri në vitin 2025 në Dortmund, anglezi u pëlqen shumë madrilenëve.

Tre lojtarët prioritarë për vitin 2024

E shohin si një përforcim ideal në mes. Por do të kushtonte më shumë se 100 milionë euro. Madje po flasim për 120 milionë euro. Çmimi që duhet paguar për ta transferuar atë nga Dortmund dhe për të fituar garën me konkurrentët  (Liverpool, Chelsea). I pyetur së fundmi për këtë temë, Belligham u përgjigj: “E ardhmja? Real Madrid? (qesh) Mendoj për situatën aktuale, nuk i mendoj të gjitha këto. Po mendoj vetëm për Dortmundin dhe sfidat që kemi përpara dhe objektivat e klubit”. Së fundi, Florentino Perez gjithashtu dëshiron të integrojë Endrick (16) te Real Madrid deri në vitin 2024. Talenti i Palmeiras, do të ishte një bast i vërtetë për të ardhmen, pasi ai ka ende një rrugë të gjatë për të bërë të konsiderohet si një Galaktik.

"Defensa Central" gjithashtu specifikon se “Los Blancos” kanë një pasuri të madhe në këtë rast pasi agjencia që përfaqëson talentin e Auriverde është gjithashtu ajo që menaxhon interesat e Vinicius Jr. Marrëdhëniet janë shumë të mira mes agjencisë dhe Florentino Perez, i cili ka folur personalisht me Endrick.  Bosi i Madridit është siguruar që lojtari dëshiron të vijë. Kështu ndodh pasi ai ëndërron të luajë në “Santiago Bernabeu”. Të gjitha dritat duket se janë jeshile. Deri në vitin 2024, Real Madrid dëshiron të injektojë gjak të ri me Haaland, Belligham dhe Endrick. Më pas, merengët do të qetësohen në merkato. Epo, kjo do të ishte ideja në letër...