Ballkani arriti një fitore historike në Turqi teksa përballë Sivaspor regjistroi fitoren e parë në grupet e Conference League duke triumfuar me rezultatin 2-3.
Në fakt, skuadra e trajnerit Ilir Daja e nisi sfidën në malore duke pësuar pa u mbushur një minutë lojë teksa u ndëshkuan në sekondën e 33-të nga Ulvestad.
Megjithatë, ekipi kampion i Kosovës rekuperoi shokun e momentit të parë dhe me kalimin e minutave morën frenat e lojës në dorë për të mbërritur tek minuta e 20-të kur Thaqi realizoi një supergol nga distance.
Goli i dha zemër Ballkanit që në minutën e 31-të përmbysi shifrat pas një aksioni model të finalizuar në fund nga Potoku. Me shifrat 1-2 u mbyll pjesa e parë ndërsa në fraksionin e dytë, për të besuarit e Dajës ishte një dramë e vërtetë.
Në fakt, u duk sikur ndeshja po shkonte në drejtimin e duhur pas golit të Korenicës, por vendasit nuk u dorëzuan dhe në minutën e 75-të, Erdogan shkurtoi diferencat.
Ishte po i njëjti autor që në të 91-tën barazoi rezultatin, e megjithatë, dy minuta më pas Ballkani kapi kundërshtarët në kundërsulm teksa Krasniqi i dhuroi suksesin historik të tijve. Pas kësaj ndeshje, Ballkani shkon në kuotën e katër pikëve në grup dhe mban vendin e dytë duke shpresuar për një kualifikim të mundshëm në fazën e ardhshme.
🇽🇰| Sivasspor 3-4 Ballkani
— Yugoslav Faulü (@Yugoslav_Faulu) October 6, 2022
⚽️ 3'Ulvestad(SVS)
⚽️ 20'Armen Thaqi(BLK)
⚽️ 34'Arber Potoku(BLK)
⚽️ 64'Mariton Korenica(BLK)
⚽️ 75'Erdoğan Yeşilyurt(SVS)
⚽️ 90+1'Yatabare(SVS)
⚽️ 90+4'Ermal Krasniqi(BLK) https://t.co/u61SaEf5sP
© SYRI.net
Bëje LIKE dhe merr lajmin e fundit nga Sporti: