Trajneri i kombëtares së Gjermanisë, Hansi Flick, ka folur kundër organizimit të Kampionatit Botëror në Katar.
Që kur është vendosur që Kupa e Botës 2022 të zhvillohet në Katar, shumë emra të mëdhenj të futbollit janë shprehur kundër këtij vendimi.
Së fundmi, disa kritika ka dhënë edhe tekniku i kombëtares së Gjermanisë, Hansi Flick.
“A ishte i duhur vendimi për KB në Katar? Kjo pyetje duhej të kishte marrë përgjigje shumë kohë më parë – një jo”, ka thënë Flick.
“Është fakt se në Katar, kur flasim për të drejtat njerëzore, kur flasim për qëndrueshmëri, shumë gjëra nuk janë në rregull, është e qartë”, shtoi ai.
Flick do të synojë me kombëtaren e tij, Gjermaninë, që të triumfojë në Katar.
Kupa e Botës zhvillohet mes nëntorit dhe dhjetorit të këtij viti.
© SYRI.net
Bëje LIKE dhe merr lajmin e fundit nga Sporti: