Përfundon aventura e Giovanni Stroppës në stolin e Monzës. Drejtuesit e klubit të sapongjitur në Serinë A kanë vendosur të shkarkojnë trajnerin pas barazimit me Leccen. Kjo ishte pika e parë e fituar nga klubi i Berlusconit pas pesë humbjeve radhazi.

Një vendim i pritshëm nëse u referohesh fjalëve të Silvio Berlusconit: “Tani duhet të mendoj për këtë” (për ndryshimin e trajnerit).

Në një shënim zyrtar, klubi “falënderon trajnerin për rrugën e ndjekur së bashku, duke kulmuar me promovimin historik në Serinë A” dhe më pas i uron trajnerit “sukseset më të mira profesionale për të ardhmen”.

Adriano Galliani, administrator i deleguar i Monzës, ka zgjedhur Raffaele Palladinon, pasues të Stroppës. Ai do të bëjë debutimin të dielën (18 shtator), në shtëpi, kundër Juventusit.”