Futbollisti turk Arda Turan ka vendosur t'i japë fund karrierës së tij futbollistike në moshën 35 vjeçare.

Veterani i Galatasaray-t dhe i kombëtares turke, i cili luajti për gjigantët evropianë si Atletico Madrid dhe Barcelona, ​​ka “varur këpucët në gozhdë” dhe e ka bërë të ditur vendimin e tij përmes YouTube.

“Dua të filloj duke ju thënë një sekret, u dashurova me futbollin. Pas kësaj dola në fushë dhe pjesa tjetër më pas... Ka qenë një udhëtim i mrekullueshëm për mua, për nënën time, për babanë tim, për vëllain tim, gruan dhe fëmijët e mi. Shpresoj të ketë qenë edhe për ju,” tha Turan.

Në mesazhin e tij ai ka falënderuar të gjithë, veçanërisht ish-trajnerin e Galatasaray-t, Fatih Terim, i cili luajti një rol të rëndësishëm në karrierën e tij.

Turan luajti për Galatasaray, Manisaspor, Atletico Madrid, Barcelona dhe Basaksehir, si dhe për kombëtaren turke. Ndër trofetë fitoi Superkupën e Turqisë, Kupën e Turqisë dhe titullin kampion turk me Galatasarayn, Superkupën e Spanjës me Barcelonën dhe Atleticon, dy Kupa Mbreti me Barcelonën dhe një me Atleticon, Superkupën e UEFA-s me Barcelonën dhe Atleticon, Europa League me Atleticon dhe titullin kampion në Spanjë me Barcelonën dhe Atletico.

La Liga, Arda Turan'a böyle veda etti 🥹🇪🇸pic.twitter.com/gqlJLMXUJc

— GOAL Türkiye (@GoalTurkiye) September 12, 2022