Familja kiliane Penco kaloi javë në kërkim të qenit të arratisur Toby, një beagle i adoptuar që kishte humbur çdo gjurmë, dhe më në fund e gjetën kur panë një video që shfaqte atë duke vrapuar në fushë dhe duke ndërprerë një ndeshje futbolli.

Gjithçka ka ndodhur në fushën e stadiumit Ester Roa Rebolledo, gjatë ndeshjes derbi mes Universidad Concepcion dhe Fernandez Vialo. Qeni defekoi mu në kuadratin e portierit, për këtë arsye loja u ndërpre për disa minuta.

Më pas qeni vrapoi në të gjithë fushën. Ai u shmang edhe lojtarëve që nuk mund ta kapnin dhe portierit Manuel Garcia i duhej një çantë për të pastruar "gjurmën" që la.

#DueloDelGranConcepcion @TNTSportsCL
Un perro en Concepción.
Un clásico de nuestra #ChileanPremierLeague pic.twitter.com/CR5HZMCOko

— Gonzalo Jara (@JGonzaloVJara) August 13, 2022

Pas kësaj, ndeshja mund të vazhdonte, dhe pamjet e TNT Sports u bënë hit në rrjetet sociale.

“E pashë njoftimin që ishte edhe në televizor. E njoha nga bishti, pasi na bënte të qeshnim duke vrapuar dhe duke u shmangur, plus “dhuratën e vogël”, se e bën edhe këtu”, tha pronari i lumtur që kështu e gjeti dhe e solli në shtëpi.