Partizani ka publikuar çmimet e biletave për ndeshjen e kthimit ndaj Saburtalos, e vlefshme për kualifikueset e Ligës së Konferencës.

Çmimet startojnë nga 400 lekë, e cila është kuota e caktuar për vendet e tribunës pas porte, deri në 3000 lekë të reja, që është caktuar për tribunën “VIP”.

“Demat” shpresojnë që të kenë një “Air Albania” të mbushur për të shtyrë skuadrën drejt kualifikimit në raundin tjetër, me klubin që nëpërmjet një postimi në “Facebook” i ka ftuar tifozët të marrin biletën e tyre duke filluar nga dita e nesërme në pikën e shitjes, e cila është vendosur te stadiumi “Selman Stërmasi”.