Vllaznia dhe Victor Da Silva e kanë mbyllur bashkëpunimin midis tyre. Lajmin e ka dhënë vetë klubi shkodran përmes një postimi në rrjetet sociale ku e falënderon futbollistin për kontributin e dhënë në këto dy vite.
Fantazistit brazilian i skadonte kontrata në fund të qershorit, por palët nuk kanë arritur të gjejnë gjuhën e përbashkët, duke i dhënë fund kështu bashkëpunimit midis tyre.
Da Silva ka dhënë një kontribut të madh te Vllaznia gjatë këtyre dy viteve ku arritën të fitonin dy herë Kupën e Shqipërisë dhe një herë Superkupën, teksa në 50 ndeshje të luajtura me fanellën e klubit shkodran arriti të realizonte 11 gola.
Njoftimi i Vllaznisë:
KF Vllaznia bën të ditur se ka mbyllur bashkëpunimin me futbollistin Victor Da Silva.
KF Vllaznia e falenderon për kontributin e dhënë për skuadrën tonë në këto dy vite dhe i uron suksese në karrierën e tij të mëtejshme!
Thank you Victor Da Silva!
© SYRI.net
Bëje LIKE dhe merr lajmin e fundit nga Sporti: