Ndeshja mes Sevilla-s dhe Barcelonës përfundoi pa fitues 1-1. Mirëpo përveç rezultatit, ndeshja në Ramon Sanchez Pizjuanu u shënua nga një episod, ku protagonist ishte kapiteni i vendasve Jules Kounde, i cili mori një karton të kuq të çuditshëm në minutën e 64-të.
Pas një dueli pranë vijës së jashtme, Jordi Alba shty francezin 23-vjeçar, i cili reagoi mjaft ashpër.
Ai e humbi plotësisht durimin dhe në mënyrë të pamatur gjuajti topin nga vetëm gjysmë metri dhe goditi në kokë mbrojtësin e majtë të Barcelonës, pas së cilës arbitri Del Cerro i tregoi rrugën për në dhomat e zhveshjes.
Barcelona ka mbetur në vendin e shtatë me vetëm 28 pikë të grumbulluara në 18 ndeshje, madje 15 më pak se Real Madridi që është i pari. Megjithatë, vendi i katërt që të çon në Champions League dhe që aktualisht është Rayo, është vetëm dy pikë larg.
Nga ana tjetër, Sevilla mbetet në vendin e dytë pas këtij barazimi me 38 pikë.
© SYRI.net
Bëje LIKE dhe merr lajmin e fundit nga Sporti: