Manchester United pësoi një nga humbjet më të rënda në histori të dielën kur Liverpool i mposhti në Old Trafford me rezultatin e thelë 5-0, teksa Ronaldo ishte i zemëruar në pjesën më të madhe të lojës, siç tregohet nga reagimi i tij pas një prej golave të Mohamed Salah.
Në videon e shfaqur teksa lojtarët e Liverpoolit po festonin një prej golave, Ronaldo ishte në plan të parë dhe lëvizte duart i inatosur.
Fillimisht nuk ishte plotësisht e qartë se çfarë donte të thoshte Ronaldo me lëvizjet e duarve, por në rrjetet sociale u shfaq një video interesante që krahasonte gjestin e tij me atë të Ole Gunnar Solskajer, ndërsa u jepte udhëzime lojtarëve të tij.
#Solskjaer tactics summed up by #Ronaldo #OleGunnar #MUFC #ManUtd
— Wɔfa Kay🇬🇭☝🏾 (@BarsManX) October 25, 2021
pic.twitter.com/tEGpQjul59
Shumë mendojnë se portugezi është tallur me trajnerin e tij, i cili është gati të shkarkohet pas një sërë rezultatesh negative, teksa Ronaldo është futur edhe në Instagram pas ndeshjes, ku ka postuar një mesazh sfidues.
“Ndonjëherë rezultati nuk është ai për të cilin luftojmë. Ndonjëherë hesapi nuk është ai që duam. Dhe kjo është tek ne, vetëm tek ne, sepse askush tjetër nuk ka faj. Tifozët tanë ishin, edhe një herë, të mrekullueshëm në mbështetjen e tyre të vazhdueshme. Ata meritojnë më mirë se kaq, shumë më mirë, dhe na takon neve ta dorëzojmë. Koha është tani!”, tha Ronaldo optimist.
Manchester United është në vendin e shtatë në Premier League me 14 pikë, tetë më pak se lideri Chelsea.
© SYRI.net
Bëje LIKE dhe merr lajmin e fundit nga Sporti: