Është ndarë nga jeta një nga figurat e njohura të futbollit dibran, Albert Kaba. Ish-lojtari i Korabit kishte ditë që ishte infektuar me koronavirus dhe nuk ia ka dalë dot të fitojë luftën me virusin vdekjeprurës.

Lajmin e ka njoftuar vetë klubi i Korabit, të cilët shkruajnë se Berti, siç e quajnë atje, do të mbahet mend si një ikonë e futbollit dibran, pasi është gjendur gjithmonë pranë skuadrave të vendlindjes duke dhënë kontributin e tij në të gjithë mënyrat.