Ministri italian i Sportit, Viçenco Spadafora, flet për Serinë A dhe për mundësitë që ky kampionat të arrijë deri në fund, duke ngritur alarmin për një ndërprerje të mundshme.

“Mund t’ia dalim mbanë, por nuk e dimë nëse do të përfundojë ky kampionat. Nuk i kemi idetë e qarta si për Serinë A dhe në aspektet e tjera. Liga duhet të krijojë një plan B dhe plan C”, u shpreh ndër të tjera Ministri për Sportin, Viçenco Spadafora, duke lënë të hapur mundësinë se futbolli qëndron në rrezik nga COVID-19.