Mësohen emrat e kundërshtarëve edhe për skuadrat e tjera shqiptare të Kosovës dhe Maqedonisë që do të marrin pjesë në Europa League. Kështu, Shkëndija e Ernest Gjokës do të ndeshet me azerët e Sumqayit, ndërsa skuadra tjetër shqiptare në Maqedoninë e Veriut Renova do të luajë me armenët e Alashkerti, kurse Shkupi do të luajë me Nefçi Bakut.
Gjilanin e pret një kundërshtar tepër i fortë. Djemtë e Gentian Mezanit duhet të fitojnë raundin paraeliminator me Tre Penes, skuadër e San Marinos. Më tej i presin qipriotët e APOEL Nikozisë.
Prishtina mund të buzëqeshë. “Plisat” duhet të fitojnë raundin paraeliminator me ekipin e Gjibraltarit Linkoln Red Union. Në fazën e mëtejshme bardheblutë do të luajnë me skuadrën nga Luksemburgu Union Pitus Petange.
Gjilani dhe Prishtina luajnë në datën 20 gusht ndeshjet paraeliminatore. ndërsa takimet e raundit të parë do të luhet një javë më vonë.
© SYRI.net
Bëje LIKE dhe merr lajmin e fundit nga Sporti: