Bota e sportit është tronditur mëngjesin e sotëm nga lajmi për ndarjen nga jetë në moshën 18 vjeçare të ish-futbollistit të Skënderbeut, Dorian Tahirllari.
Ai vuante prej 1 viti nga një sëmundje e rëndë dhe nuk mundi që ta fitojë betejnë më të rëndësishme, atë me jetën.
Lajmi për ndarjen nga jeta të Tahirllarit preku zemrat e të gjithë atyre që ishin njohur me rastin. Djaloshi vuante nga një tumor malinj dhe kishte kryer disa operacione, por pa sukses.
Pak kohë më parë, 18 vjeçari, një i ri me dëshirën për të jetuar, të cilat tashmë janë shuar të gjitha, shkruante një poezi shumë prekëse, ku thuhej se dhimbja ishte kthyer në mikun e tij, lulet janë ujitur nga lotët e tij, nëna lutet për shërimin e plotë dhe vuajtja për ëndrrat.
Poezia e Dorian Tahirllarit:
Një ditë ku asgjë nuk ishte si ditët e tjera,
Një ditë ku nuk kishte asgjë brenda saj.
Një ditë që të shurdhonte nga vetmia.
Një ditë ku mërzia dukej e zakonshme.
Një ditë ku dukej sikur dhimbja ishte miku im.
Një ditë ku lulet janë ujitur nga lotët e mi,
ku nëna lutej për shërimin e këtij djali.
Një ditë ku kujtova gjithçka…
Fëmijërinë time,fushën e blertë, shokët e mi…
Një ditë ku lotoja dhe vuaja për ëndrrat,qëllimet dhe motivet e mia…
Kujtoja ditën kur lutesha për to e sot ato luten për mua…
Një ditë ku lutja është tek Zoti…
Dua t’i lutem atij për ëndrrat e mia.
Dua t’i lutem për mua…
Ishte një ditë që më kujtoi gjithë ato ditë…
© SYRI.net
Bëje LIKE dhe merr lajmin e fundit nga Sporti: