Ishujt Faroe ishin të parët që zyrtarizuan rinisjen e futbollit në muajin maj, por menjëherë pas vendit të vogël në Europë, ka ardhur zyrtarizimi edhe nga Koreja e Jugut, që bën të ditur rikthimin e futbollit në këtë shtet në datën 8 maj.

Federata ka njoftuar se kanë marrë një vendim dhe të gjithë kampionatet e meshkujve në këtë shtet do të fillojnë në 8 maj.

Ashtu siç pritet të ndodhë edhe në vendet e tjera, futbolli fillimisht do të luhet me dyer të mbyllura, për shkak të frikës së një përhapje të madhe të Koronavirusit, i cili gjithashtu ka prekur edhe Korenë e Jugut, por duket se tani më e keqja ka kaluar.